Krapo Krie li anons la nwit
Mo tann tape papa rentre
Kuma zekler mama leve
Bizen fer vit mari gagn faim
Pukni plegne finn deranz li
Di bwa krie na pa bril mwa
Bizen sofe manze mari
Manze soso li pu manze
Na pena pasians ala li krie
Mama tranble so larm kule
Na pa gagn drwa pu dir nargne
Bizen gete kuma gunga
So dilo ape sofe
Bizin lav so ti lipie
So ti plas finn aranze
Mo papa pu repoze
Loder diven bril mo narinn
Lalamp petrol dir orevwar
Mo mama dormi lizie uver
So leker bate kuma tamtam
Tann kok sante mama leve
Bizen fer vit sinon lager
Galup lekeri li tir dile
Li kas dibwa li met dife
Bann zozo ape sante
Pu donn kuraz mo ti mama
Papa leve manze pare
Li pran so sac li al karo
Zot ti aksepte pu zot marye
Pu kapav fer enn lavenir
Buku problem zot ape gagne
Zot bann viktim la sosiete
Mo mama li esklav papa
Mo papa li esklav patron
Mo mama li enn esklav
Esklav enn lot esklav
Comments (0)