Etxe bat bezala balitz
Nire bizitzaren armairua
Etxe bat bezala balitz
Nire bizitzaren gordailua
Jarriko nuke
Limoiondo bat gazi-gazia
Eta gero
Eraiki etxeko ataria
Etxe bat bezala balitz
Nire bizitzaren armairua
Banatuko nuke hiru pixutan
Ene urteen pixu guztia
Eta eskailerak
Ahalik eta aldapatsuen
Eta azpia
Atseden ezkutalekua
Eta gela guztiean
Oheak beti bikoitzak
Bikoitzak oheak eta
Binaka gela bakoitzean
Nire osotasunen batek
Har dezala atseden
Eta gela batean
Bi ohe elkar pegatuta
Har dezaten arnasa
Izaretatik ebatuta
Eta aurrean
Bilusik eta garbi
Ikusteko elkar
Dutxa zuri bat
Etxe bat bezala balitz
Nire bizitzaren armairua
Lortuko nuke bizi bat
Etxeko solairu bakoitzean
Eta koilarak
Beti handiak eta txikiak
Eta paretetako arrakalak
Argazkiz josi
Comments (0)