Pan fwyf yn hen a pharchus
Ag arian yn fy nghod
A phob beirniadaeth drosodd
A phawb yn canu 'nghlod
Mi brynaf fwthyn unig
Heb ddim o flaen ei ddôr
Ond creigiau Aberdaron
A thonnau gwyllt y môr
Pan fwyf yn hen a pharchus
A'm gwaed yn llifo'n oer
A'm calon heb gyflynnu
Wrth wylied codi'r lloer
Bydd gobaith im bryd hynny
Mewn bwthyn sydd â'i ddôr
At greigiau Aberdaron
A thonnau gwyllt y môr
Pan fwyf yn hen a pharchus
Tu hwnt i fawel a sen
A'm cân yn nôl y patrwm
A'i hangerdd oll ar ben
Bydd gobaith im bryd hynny
Mewn bwthyn sydd â'i ddôr
At greigiau Aberdaron
A thonnau gwyllt y môr
Oblegid mi gaf yno
Yng nghri'r ystormus wynt
Adlais o'r hen wrthyfel
A wybu f'enaid gynt
A chanaf â'r hen angerdd
Wrth syllu tua'r ddôr
Ar greigiau Aberdaron
A thonnau gwyllt y môr
Ar greigiau Aberdaron
A thonnau gwyllt y môr
Comments (0)