رجعتوا بشر غزّة دفعت الفاتورة
ومو أول مرّة هيّ ع الفاتورة
سوريا آخر مرّة ولسّه مفتوحة الفاتورة
من كم يوم متل اليوم الجموع هبّت ع نحورها
بتذكّر إبن الخال وإبن الخان سوا سنّوا ساطورها
لو إحكي اللي بقلبي ناس تتحبس تحت قبورة
تتعذّب تتمنّى الجورة
تحت السواهي كم طَنطورة بلا صوت ولا صورة
و وينّي أنا كل جراح قلبي عاشت
متت أنا وأشلاء جسر الحياة عاشت
كل الغادرونا كل أخواتي بالملاجئ
لو كل عمري لحظة صمت ما يكفي
كس أم القهر
وئدلي، وئدلي أكم هويّه وئدلي
وتكوي، وتكوي ذكرى كلّ الفقد في سربي
وتدوي، وتدوي الحمدلله في سرّي
قل لّك سر كل ليلة حشيش
وكل ما بكون مو حابب عيش
كل ما فصلنا القاطع نتذكر موصول الفيش
حتّى نقاط حروفي صارت كنقاط التفتيش
ما تعوّدت أنا أفرح ولا نحنا تعوّدنا نعيش
ومن الوجع اخواتي تعزف بصخب على نغم التقسيم
ويا اللي يحاضر فيني قاعد يعلك على صحن البرسيم
سقطت كل كلمات العالم واغتيلت كل المراسيل
هو بالعمر الواحد كم مرّة يموت بلا مراسيم
وئدلي، وئدلي أكم هويّه وئدلي
وتكوي وتكوي ذكرى كلّ الفقد في سربي
وتدوي، وتدوي الحمدلله في سرّي
Comments (0)